Transcription
1
Monsieur, la presente ne servira que pour attester la reception de
2
voz deux letres l’une du XXII et la dernière du XXIIIe
3
que me porta hyer soyr monsieur Draqui à dix heures de nuit.
4
Et pource que il ha volu depecher ce matin son home sans
5
attandre je remetz au premier depeche vous escrire ce que
6
se presentera, seulement vous diray je que encores plus
7
tard et après que ledit Dragui meut laissé, monsieur de Virieu
8
arriva en mon logis me monstrant letres de monsieur de Syllans
9
disans que lennemy avoyt passe à Andance et demandans des
10
comissions pour lever gens. Advant que me coucher, je luy
11
escrivis, comme aussi feit ledit sieur de Virieu, que le mandement
12
du roy publié en dernier lieu portoyt commission et
13
neanmoyns que luy et les aultres ne fauldroient à estre
14
authorisés en ce quilz feirent pour le service du roy et de leur
15
patrie. Il y avoit icy home exprès qui est departy advant
16
mon lever. Ce jourdhuy, je soliciteray monsieur de Grenoble
17
si ladite novelle est vraye. Je me doubte bien que la compagnie du sieur
18
Carlo ne porra bouger, dont je vous asseure dalieurs quelle
19
n’a pas grande volunté comme jentendis hyer par monsieur le
20
mareschal, mès si elle est faulse toutz ceulx des messieurs
21
que jassemblay en mon logis furent dadvis de vous secourir
22
de toutz costés, voyre deulx mesmes si cela servoyt et lalay
23
de ce pas advant que souper fère entendre à monsieur de
24
la Tivoliere. Je prie le Createur,
25
Monsieur, vous doner en santé heureuse et longue vie. De
26
Grenoble, ce XXV de mars 1574
27
Votre très humble et obeissant
28
serviteur G. deportes